Այս 6-ամսյա խորացված դասընթացը նախատեսված է պատրաստելու կրտսեր վեբ ծրագրավորողներ: Դուք կծանոթանաք և գործնական փորձ ձեռք կբերեք HTML-ի, CSS-ի, JavaScript-ի, PHP-ի և տվյալների բազաների հետ՝ միաժամանակ ուսումնասիրելով ծրագրավորման ժամանակակից գործիքներ, ինչպիսիք են՝ Bootstrap, SCSS և REST API-ները:
Դասընթացը տրամադրում է բազային պատկերացում frontend և backend ծրագրավորման մասին՝ ընդգրկելով ամեն ինչ՝ ռեսպոնսիվ վեբ դիզայնից մինչև սերվերի աշխատանքը: Դուք կսովորեք համակարգիչների, վեբ բրաուզերների մասին, ինչպես նաև պատկերացում կունենաք, թե ինչպես է աշխատում արհեստական բանականությունը: Բացի այդ, մենք կանդրադառնանք նույնականացմանը, անվտանգությանն ու տվյալների բազայի կառավարմանը:
Դասընթացի ընթացքում Դուք կստեղծեք երեք անձնական նախագծեր, կիրառելով ձեր գիտելիքները գործնականում: Այս նախագծերը կօգնեն ձեզ կազմել պրոֆեսիոնալ պորտֆոլիո և պատրաստվել սկսնակ մակարդակի վեբ ծրագրավորողի աշխատանքին:
Dev School Armenia-ի թիմը մշակել է 6-ամսյա Վեբ ծրագրավորման դասընթաց, որը նախատեսված է սկսնակների համար և ուղղված է նրանց տեխնոլոգիական կարիերայի պատրաստմանը։
Ծրագիրը բաղկացած է երեք հիմնական մասից.
- Վեբ ծրագրավորման հիմունքներ – Ծանոթություն համակարգչի, բրաուզերների, ՕՀ-ի, ինտերնետի և AI-ի հետ
- Front-End հիմունքներ – HTML5, CSS (SCSS & Less), Bootstrap, JavaScript, և jQuery.
- Back-End հիմունքներ – PHP 8, MySQL, և API մշակում.
Բովանդակություն:
- HTML և CSS ուսուցում
- JavaScript ուսուցում
- PHP և Սվյալների բազաներ
- REST API և Անվտանգություն
Դասընթացը նախատեսված է սկսնակների համար, սկսվում է զրոյական մակարդակից և չի պահանջում նախնական փորձ։ Այն բաց է 16-ից բարձր տարիք ունեցող անձանց համար, ովքեր տիրապետում են համակարգչային տարրական հմտություններին։
Այս գործնական ծրագիրը հիմնված է ժամանակակից ծրագրավորման պահանջների վրա և ապահովում է իրական աշխատանքային փորձ։ Դասընթացի ավարտին մասնակիցները կունենան անհատական նախագիծ՝ պորտֆոլիոյին համապատասխան վեբ հավելված, որը կօգնի նրանց հեշտությամբ գտնել աշխատանք որպես սկսնակ վեբ ծրագրավորող։